Прававы клас створаны пад куратарствам Следчага камітэта па Магілёўскай вобласці
Урачыстае пасвячэнне ў вучні профільнага класа прававой накіраванасці адбылося ў гімназіі Асіповіч. (оригинал статьи)
</blockquote>– Прававы клас з’явіўся ў гэтым навучальным годзе і быў створаны пад куратарствам Следчага камітэта па Магілёўскай вобласці. Навучацца па такім профілі пажадалі 14 дзесяцікласнікаў. Зараз яны на павышаным узроўні вывучаюць грамадазнаўства і англійскую мову, а па суботах наведваюць факультатыўны курс “Асновы права”. Для вучняў таксама арганізуюцца розныя прафарыентацыйныя мерапрыемствы, – расказала намеснік дырэктара па выхаваўчай рабоце Н.У.Лук’яненка.
Падлеткі далі абяцанне з гонарам несці званне гімназіста прававога класа, добра вучыцца і імкнуцца быць годнымі грамадзянамі сваёй краіны. Павіншаваць хлопцаў і дзяўчат са значнай у іх жыцці падзеяй у гімназію прыехалі ганаровыя госці. Сярод іх намеснік начальніка ўпраўлення Следчага камітэта па Магілёўскай вобласці Віталь Шляханаў, дэпутат Палаты прадстаўнікоў Нацыянальнага сходу Святлана Шутава і іншыя.
Пасля ўрачыстасці адбыўся тэматычны круглы стол, падчас якога навучэнцы маглі звярнуцца да прадстаўнікоў дзяржаўных органаў з хвалюючымі іх пытаннямі.
Ганна СІНЬКЕВІЧ
Еще о посвящении в ученики правового класса читайте в материалах БЕЛТА
